ENSK2SO05

ENSK2SO05 - Sérhæfður orðaforði

Viðfangsefni: Sérhæfður orðaforði, flóknari textar, ritgerðasmíð og bókmenntir
Lýsing: Í áfanganum er áhersla á sérhæfðan orðaforða, fagorðaforða (academic vocabulary), þar sem nemendur vinna með verkefni tengd námsbrautum þeim sem þeir eru á. Þýðingar og/eða útdrættir á fagtextum á félags- eða raungreinasviði sem nemendur velja í samráði við kennara hverju sinni. Lesnar klassískar bókmenntir eftir þekkta enskumælandi höfunda. Munnleg færni þjálfuð enn meir en áður með samtölum og kynningum nemenda á textum og námsefni.
Áfanginn á að brúa bilið milli milli B2 og C1 í Evrópsku tungumálamöppunni.
Forkröfur: ENSK2HF05

Þekkingarviðmið: Nemandi skal hafa öðlast þekkingu og skilning á:

  • ólíkum viðhorfum og gildum sem móta menningu í enskumælandi löndum
  • orðaforða sem hæfir hæfniviðmiðum þrepsins
  • alhliða færni í málinu bæði munnlega og skriflega
  • helstu hefðum um uppsetningu og skipulag ritaðs máls, einkum uppsetningu ritgerða
  • flóknari textum og skilningi út frá víðara samhengi

Leikniviðmið: Nemandi skal hafa öðlast leikni í að:

  • skilja ólík málsnið
  • lesa fjölbreytt textaform og beita þeim lestraraðferðum sem við eiga hverju sinni
  • beita málfari við hæfi við ólíkar aðstæður, bæði í rituðu og töluðu máli
  • tjá sig hnökralaust um málefni sem nemendur hafa kynnt sér og undirbúið
  • skrifa margs konar texta og fylgja helstu rithefðum og reglum um málbeitingu

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

  • skilja án vandkvæða megininntak erinda og rökræðna, jafnvel um tiltölulega flókið efni, ef nemandi þekkir til þess
  • lesa á milli línanna og átta sig á dýpri merkingu í texta
  • taka þátt í skoðanaskiptum, færa rök fyrir máli sínu og svara mótbárum og gagnrökum á viðeigandi hátt
  • skrifa margs konar texta og fylgja þeim ritunarhefðum sem eiga við í hverju tilviki fyrir sig
  • tileinka sér efni ritaðs texta og hagnýta á mismunandi hátt.
Til baka