Íþróttaafrekssvið

Íþróttaafrekssvið

 

Þeir áfangar sem tilheyra afrekssviði eru eftirfarandi:

 

Námsgrein 
 Einingar
 Afreksáfangar ( á öllum önnum)
 12
 Íþróttafræði (sálfræði og næringarfræði)
 10
 Íþróttameiðsl (forvarnir, meðhöndlun og endurhæfing
  2
 Skyndihjálp RKÍ
  1

 

Flensborgarskólinn í Hafnarfirði starfrækir íþróttaafrekssvið í samstarfi við ÍBH (Íþróttabandalag Hafnarfjarðar), íþróttafélögin og ÍSÍ (Íþróttasamband Íslands). 

Íþróttaafrekssvið er hluti af námsbrautum til stúdentsprófs. Séráfangar sviðsins eru ýmist hjá teknir hjá skólanum eða viðkomandi íþróttafélagi. Tilgangurinn er að efla ungt íþróttafólk og búa það undir að stunda íþróttir sem atvinnumenn eða afreksmenn í sinni grein. 

Komið er til móts við nemendur á íþróttaafrekssviði t.d. vegna keppnisferða með tilhliðrun prófa og verkefna.

Nemandi kemst á íþróttaafrekssvið ef skólinn og viðkomandi félag/deild innan ÍBH og ÍSÍ samþykkja.

Skipulag afrekssviðsins er á þann veg að á hverri önn tekur nemandi tveggja eininga afreksáfanga með æfingum og líkamsstyrktarþjálfun. Að auki lýkur nemandinn tveimur íþróttafræðiáföngum, þar sem umfjöllunarefnin eru m.a. íþróttasálfræði, markmiðasetning, næringarfræði og þjálffræði, og tveimur styttri námskeiðum, í skyndihjálp og meðhöndlun íþróttameiðsla.

Ráðgjöf og stuðningur við íþróttaafreksfólk

Flensborgarskólinn veitir íþróttaafreksnemendum sínum ráðgjöf og stuðning í námi. Oft getur álag við íþróttaiðkun eða meiðsl sett strik í reikninginn hjá ungu og efnilegu íþróttaafreksfólki. Einnig getur löng fjarvera vegna keppnisferðalaga haft víðtæk áhrif í  námi. Díana Guðjónsdóttir, íþróttakennari og afreksþjálfari, hefur áratuga reynslu af því að vinna með ungu íþróttafólki og hefur hún á undanförnum árum veitt þeim leiðsögn og stuðning bæði í námi og í afreksgrein þeirra. Díana er með opna viðtalstíma og verða þeir auglýstir á heimasíðu skólans.  

Hægt er að skoða tengingu við brautir hérna:

 

Verkefnastjóri sviðsins er Díana Guðjónsdóttir

diana@flensborg.is