ENSK3FA05

ENSK 3FA05 - Fagorðaforði og hugtök 

Viðfangsefni: Fagorðaforði, fræðigreinar, rafræn gagnasöfn, rannsóknarritgerð og einstaklingverkefni.
Lýsing: Í áfanganum er áhersla á sérhæfðan orðaforða, lestur flóknari texta og ritgerðasmíð. Unnið er í verkefnalotum með ákveðin þemu eða verkefni. Áhersla er á fagorðaforða (academic vocabulary) og vinna nemendur verkefni tengd námsbrautum. Áfanginn á að brúa bilið milli C1 og C2 í Evrópsku tungumálamöppunni. Mikil áhersla er lögð á að velja og vinna úr fræðilegum heimildum. Ritgerð er unnin sem rannsóknarritgerð og ferilsritun.
Forkröfur: ENSK2SO05
 
Þekkingarviðmið: Nemandi skal hafa öðlast þekkingu og skilning á:
  • orðaforða tengdan ákveðnu fræðasviði
  • helstu aðferðum til að skipuleggja og skrifa langa fræðilega ritgerð á ensku
  • undirstöðu heimildavinnu
Leikniviðmið:  Nemandi skal hafa öðlast leikni í að:
  • afla sér orðaforða tengdum ákveðnu fræðasviði
  • velja sér fræðilegar heimildir til ritunar rannsóknarritgerða
  • Afla sér heimilda og vinna úr þeim á gagnrýninn hátt
  • vinna eftir skipulögðu ferli við gerð heimildaritgerða
  • skrifa margs konar texta og fylgja helstu rithefðum og reglum um málbeitingu
Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:
  • fylgja öllum reglum um gerð fræðilegra ritgerða 
  • nýta sér orðaforða tengdan námsefni sínu og beita honum án meiriháttar vandkvæða
  • hagnýta sér fræðitexta og meta heimildir á gagrýninn hátt
  • geta flutt vel uppbyggða frásögn, kynningu eða greinagerð
  • skrifað lipra ritgerð um sértækt efni
  • gera grein fyrir efni rannsóknarritgerðar í kynningu fyrir hlustendum sem eru ekki kunnugir efninu