KYNJ2KJ05

KYNJ 2KJ05 - Kynjafræði 

Viðfangsefni: Kynja- og jafnréttisfræðsla
Lýsing: Kynja- og jafnréttisfræðsla, saga jafnréttisbaráttunnar og fleira. Birtingarmyndir kynjaskekkjunnar klámvæðing og kynbundið ofbeldi og eru skoðuð og greind í gegnum fjölmiðla, stjórnmál, dægurmenningu og fleira. Áfanginn byggir á virkni og þátttöku nemenda í sjálfskoðun, greiningu á umhverfi sínu og umræðum um eigin viðhorf jafnt og annarra.
Forkröfur: Engar
 
Þekkingarviðmið: Nemandi skal hafa öðlast þekkingu og skilning á:
  • helstu hugtökum og kenningum kynjafræðinnar
  • birtingarmyndum kynjaskekkju  eins og hún birtist í samfélaginu s.s. fjölmiðlum
  • kynbundnu ofbeldi og afleiðingum þess
  • nokkrum helstu atriðum í sögu jafnréttisbaráttunnar á Vesturlöndum
 
Leikniviðmið: Nemandi skal hafa öðlast leikni í að:
  • beita hugtökum og kenningum kynjafræðinnar á raunveruleg viðfangsefni 
  • taka þátt í umræðu, munnlega og skriflega, um kynjafræði
  • greina stöðu jafnréttismála og kynjaskekkju í eigin samfélagi og annarra
  • greina staðalmyndir kynjanna í samfélagslegri orðræðu og myndefni eins og hún birtist í fjölmiðlum og víðar
 
Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:
  • skilja helstu orsakir kynjaskekkjunnar samkvæmt hugmyndum kynjafræðinnar
  • greina samfélagið með gleraugum kynjafræðinnar og geta beitt félagsfræðilegu innsæi til að tengja gildi samfélagsins í þeim efnum við eigið líf
  • meta og greina heimildir á sviði áfangans á fræðilegan hátt og geta hagnýtt þær í eigin þágu