SÁLF3FÖ05

SÁLF 3FÖ05 - Stofnunarsálfræði 

Viðfangsefni: Öldrun, fötlun og áföll
Lýsing : Í stofnunarsálfræði eru ýmsar stofnanir samfélagsins sem veita þjónustu á sviði öldrunar og fötlunar skoðaðar. Sérstaklega er skoðuð líðan þeirra einstaklinga sem tengjast þessum stofnunum, starfsmanna, skjólstæðinga, aðstandenda, aðstandandafélög og aðrir sem gætu tengst starfseminni á einhvern hátt. Einnig er fjallað er um öldrun, fötlun og áföll og hvaða áhrif þessir þættir gætu haft á líf einstaklinga og fjölskyldu þeirra. Þá er fjallað um áfallastreitu, kreppu, kvíða og sorg. Þetta er vinnuáfangi þar sem nemendur fara út í stofnanir og skoða starfsemi þeirra og þau meðferðarúrræði sem tengjast efni áfangans.
Forkröfur: SÁLF2IN05
 
Þekkingarviðmið: nemandi skal hafa öðlast þekkingu og skilning á:
  • áhrifum öldrunar á einstaklinginn
  • þeirri þjónustu sem öldruðum stendur til boða á Íslandi
  • áhrifum fötlunar á líf einstaklingsins og fjölskyldu hans
  • þeim þjónustuúrræðum sem fötluðum standa til boða á Íslandi
  • áhrifum kreppu, áfalla, áfallastreitu, kvíða og sorg á þá sem fyrir þeim verða
 
Leikniviðmið: Nemandi skal hafa öðlast leikni í að:
  • beita vísindalegri hugsun og þjálfist í upplýsingaleit með því að kynna sér viðfangsefni áfangans
  • hugleiða og meta áhrif öldrunar og fötlunar á líf einstaklingsins og fjölskyldu hans
  • hugleiða og átta sig á áhrifum fordóma gegn þessum hópum
  • koma upplýsingum um niðurstöður sínar á framfæri við hóp jafningja 
  • lesa út úr helstu gögnum og niðurstöðum rannsókna
  • beita orðaforða stofnunarsálfræðinnar af öryggi
  • lesa fjölbreyttan texta um viðfangsefni greinarinnar sér til fróðleiks og skilnings
  • taka gagnrýna afstöðu til siðferðilegra álitamála sem tengjast samskiptum og umhverfi
  • nýta sér margvíslega tækni í þekkingarleit og miðlun þekkingar
Hæfniviðmið: Nemandi skal geta hagnýtt þá almennu þekkingu og leikni sem hefur aflað sér til að:
  • vinna í samstarfi og tjá hugsanir og skoðanir á viðfangsefnum greinarinnar bæði munnlega og skriflega
  • útskýra, túlka og álykta  á vísindalegan hátt
  • beita skipulegum aðferðum og sýna frumkvæði við leit að lausnum
  • meta réttmæti og áreiðanleika upplýsinga
  • afla gagna, flokka, vinna úr og miðla upplýsingum á gagnrýninn og skapandi hátt
  • tileinka sér aukna virðingu og víðsýni gagnvart ýmsum sérhópum samfélagsins
  • gera sér grein fyrir eigin fordómum og leitast við að vinna gegn þeim
  • taka þátt í rökræðum sem tengjast málefnum stofnunarsálfræðinnar
  • geta metið eigin frammistöðu og annarra á gagnrýninn hátt
  • nýta fræðilegan texta á íslensku og ensku