HLSE1HS02

HLSE 1HS02 - Hlaup og styrkur 

Viðfangsefni: Hlaup og styrkur
Lýsing: Í áfanganum er farið yfir alhliða hreyfingu í tengslum við hlaup og hlaupatækni. Unnið verður með samhæfingu í hlaupum, farið yfir tækni í hlaupum og helstu þjálfunaraðferðir.  Nemendur læri að stunda hlaupaþjálfun sem nær til helstu vöðvahópa líkamans og hvernig helstu vöðvahóparnir virka.  Einnig verður farið yfir helstu teygjuaðferðir sem er mjög mikilvægt þegar hlaupaþjálfun er stunduð.   Einnig verður farið í einfaldar styrktaræfingar eins og t.d. æfingar fyrir coresvæðið(kviður,bak og lærvöðvar) og önnur svæðið til að auka líkamshreyfingu og styrk.  Áfanginn er verklegur en að auki vinna nemendur verkefni sem tengist viðfangsefninu.
Forkröfur: HLSE1AH02
 
Þekkingarviðmið: Nemandi skal hafa öðlast þekkingu og skilning á:
  • tækninni sem þarf í hlaupaæfingar til að líkamsbeiting verði rétt
  • helstu þjálfunaraðferðum í hlaupum t.d. loftháðu,- loftfirrtu þoli og interval þjálfun
  • að styrktar- og liðleikaþjálfun skiptir miklu máli og þarf að haldast í hendur við þolþjálfun
  • að hægt sé að nota ýmsar þolþjálfunaraðferðir til að koma sér í gott form
  • að gæði æfingarinnar skiptir meira máli heldur en tíminn
  • markmiðssetningu
Leikniviðmið:  Nemandi skal hafa öðlast leikni í að:
  • stunda líkams- og heilsurækt
  • framkvæma styrktar- og liðleikaæfingar
  • æfa undir góðu álagi í stuttan tíma
  • framkvæma æfingar á réttan hátt og kynnist réttri líkamsbeitingu í þolæfingum
  • nýta sér hina ýmsu þolæfingar sem henta við hlaup
  • nýta sér möguleika til heilsuræktar í nánasta umhverfi sem efla heilsu þeirra
Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:
  • þekkja sinn líkama og vöðvakerfi
  • velja þol- styrktar-  og liðleikaþjálfun
  • velja hlaupaaðferðir sem henta
  • stunda æfingar sem viðhalda og bæta líkamlega getu