HLSE1KB02

HLSE 1KB02 - Körfubolti 

Viðfangsefni Körfubolti og leikræn nálgun.
Lýsing: Í áfanganum læra nemendur undirstöðuatriði í körfubolta. Stefnt er að því að nemendur öðlist ákveðna grundvallarfærni og bæti getu sína í greininni. Farið er yfir helstu atriði leiksins og mikilvægi þess að leikurinn sé greindur sundur í stuttar einingar. Áfanginn er verklegur en að auki vinna nemendur verkefni sem tengist viðfangsefninu.
Forkröfur: HLSE1AH02
 
Þekkingarviðmið: Nemandi skal hafa öðlast þekkingu og skilning á:
  • knatttækni
  • leikfræði
  • leikreglum
  • helstu þjálfunaraðferðir s.s þol, styrk og liðleika
  • mikilvægi fjölbreyttra tækni- og leikæfinga í körfubolta
 
Leikniviðmið:  Nemandi skal hafa öðlast leikni í að:
  • beita flautu við dómgæslu á körfuboltaleik
  • beita mismunandi þjálfunaraðferðum með ákveðin markmið að leiðarljósi svo sem þol, kraft og tækni
  • beita leikfræði leiksins
  • eiga samskipti við samherja og mótherja 
 
Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:
  • greina leikinn
  • beita fjölbreyttum aðferðum við körfuboltaþjálfun 
  • dæma körfuboltaleik
  • rökræða um kosti og galla leiksins