MYNL1UT05

MYNL 1UT05 - Umhverfi og teikning 

Viðfangsefni: Umhverfis- og hlutateikning, módelteikning, grafík, listasaga, endurnýting og skapandi ferli
Lýsing: Í áfanganum læra nemendur tæknileg undirstöðuatriði í myndlist, s.s. módelteikningu, formfræði, fjarvídd og lýsingu. Lögð er áhersla á að þjálfa nemendur í teikningu, formskilningi, rýmisskynjun og skoðun umhverfisins. Áhersla er lögð á að örva skapandi hugsun nemanda, auka tæknilega þjálfun og skilning á efnum og aðferðum. Nemendur skipuleggja nám sitt ásamt því að ígrunda og þróa hugmyndir sínar í ferilbók ásamt því að nýta óhefðbundin efnivið í myndverk.
Forkröfur: MYNL1SE05
 
Þekkingarviðmið: Nemandi skal hafa öðlast þekkingu og skilning á:
  • litasvið blýantsins og aðferðum til skygginga
  • hvernig grunnformin móta alla hluti í umhverfi okkar
  • hvernig breyta má tvívíðri línuteikningu svo sýnist þrívíð með réttum skyggingaraðferðum
  • myndbyggingu
  • formum og uppbyggingu þeirra
  • tveggja punkta fjarvídd
  • hvernig mismunandi teikniáhöld gefa mismunandi línu og áferðir
  • hvernig teikna á mannslíkamann í fötum í réttum hlutföllum
  • hvernig teikna má rými með fjarvíddarteikningu
  • fjölbreytileika í meðhöndlun efniviðar
 
Leikniviðmið:  Nemandi skal hafa öðlast leikni í að:
  • lesa upplýsingar um listir og menningu
  • vinna með mismunandi leiðir til listsköpunar
  • nýta sér grunnþjálfun í tækni, verklagi, skapandi aðferðum og túlkun
  • vinna frá hugmynd til lokaafurðar
  • teikna rými í eins- og tveggja punkta fjarvídd
  • vinna persónulega skissu- og hugmyndabók
  • ræða eigin verk og annarra
 
Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:
  • tjá sig á skýran, ábyrgan og gagnrýnin hátt um listsköpun
  • byggja upp myndverk
  • nýta reglur og form í eigin listsköpun
  • vinna á perónulegan hátt með eigin hugmyndir
  • útfæra myndverk með tilliti til formfræði og myndbyggingar
  • vinna með mismunandi leiðir til listsköpunar og hönnunar
  • sýna frumkvæði og skapandi nálgun í verkum sínum