EÐLI3NE05

EÐLI 3NE05 - Nútímaeðlisfræði

Viðfangsefni:  Kraftvægi, hringhreyfing, rafmagn, segulfræði, afstæði, agnir og skammtar 
Lýsing: Bylgjur og sveiflur, kraftvægi, snúningur og hverfitregða, rafmagns- og segulfræði, afstæðiskenning, kjarnahvörf og skammtafræði.
Forkröfur: EÐLI2HK05 og STÆR3MD05 (má vera samhliða)
 
Þekkingarviðmið: Nemandi skal hafa öðlast þekkingu og skilning á:
  • bylgjuhegðun, samliðun og Dopplerhrifum, sveiflujöfnu, pendúlhreyfingu og sveiflu massa í gormi
  • hreyfilýsingu snúnings, hornhraða, vægi, hornhröðun, snúningsorku og hverfiþunga
  • sambandi rafspennu, straums og viðnáms,segulkrafti á rafeindir á ferðalagi, segulsviði um vír og spólu
  • tímateygingu, samdrætti og massaaukningu nálægt ljóshraða, samlagningu hraða
  • samsetningu kjarnans, kjarnahvörfum og geislavirkni, tvíeðli ljóss og efnis
 
Leikniviðmið:  Nemandi skal hafa öðlast leikni í að:
  • skilja línurit sem tengja eðlisfræðifyrirbæri í mismunandi víddum og kunna að túlka yfir í línuleg tengsl
  • nota hornhraða til að reikna fyrirbæri á snúningshreyfingu
  • reikna spennu, straum, viðnám, afl og orku í rakstraumsrásum
  • nota jöfnur afstæðiskenningarinnar til að reikna sýndarbreytingu í viðmiðunarkerfum á jöfnum hraða
  • stilla kjarnajöfnur og reikna aldur geislavirkra sýna
 
Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:
  • útskýra lausnir eðlisfræðidæma fyrir bekkjarfélögum
  • framkvæma tilraunir eftir fyrirmælum og skrifa skýrslur í hópsamvinnu
  • sýna sjálfstæði og frumkvæði í vinnubrögðum og bera ábyrgð á námsframvindu sinni
  • meta hvort niðurstöður útreikninga og mælinga eru raunhæfar