EFNA3LL05

EFNA 3LL05 - Lífræn- og lífefnafræði 

Viðfangsefni: lífræn efnafræði og lífefnafræði
Lýsing: Þessi áfangi fjallar um grunnatriði í lífrænni efnafræði og lífefnafræði. Farið er í helstu þætti hvers flokks lífrænna efna svo sem helstu eiginleika, nafnakerfi, og helstu efnahvörf. Í lífefnafræðihluta áfangans er farið yfir þrjá flokka lífefna, prótein, fitur og kolvetni, Þá eru eiginleikar þeirra skoðaðir og farið yfir nafnakerfi þeirra og myndir.  Lagt er upp úr sjálfstæðum vinnubrögðum í verkefnum og verklegum æfingum. 
Forkröfur: EFNA 2VV05

Þekkingarviðmið: Nemandi skal hafa öðlast þekkingu og skilning á:

  • frumefninu kolefni, tengjum þess og eiginleikum
  • virkum hópum og nafnakerfi þeirra
  • helstu eiginleikum virkra hópa
  • helstu efnahvörfum lífrænna efna
  • próteinum, fitum, kolvetnum og helstu myndum þeirra og eiginleikum
  • fjölliðum
 
Leikniviðmið: Nemandi skal hafa öðlast leikni í að:
  • tengja virka hópa á kolefnakeðjur og geta gefið keðjunum nafn
  • vita hvað ísómerur eru og geta teiknað byggingaformúlur ólíkra ísómera
  • skrifa efnaformúlur fyrir helstu efnahvörf lífrænna efna
  • beita reglu Markovnikovs
  • finna hendnimiðjur í sameindum og vinna með hugtakið hendni
  • teikna helstu lífefni svo sem hringmyndir glúkósa, fitusýrur og amínósýrur
  • setja niðurstöður verklegra æfinga upp í skýrslu
  • setja niðurstöður upp í gröf og töflur og setja fram skýringar á þeim
  • vinna verklega æfingu á sjálfstæðan hátt, og tengja efni hennar við fræði
 
Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:
  • takast á við frekara nám í efnafræði og tengdum greinum á háskólastigi
  • standa undir auknum kröfum um sjálfstæði í vinnubrögðum og ábyrgð á eigin námsframvindu
  • nýta sér flókinn texta og gögn á markvissan hátt
  • tengja saman efnisþætti efnafræðinnar við lausn flókinna verkefna
  • tengja efnafræðina við daglegt líf, umhverfi og aðrar náttúrufræðigreinar og sjá notagildi hennar
  • meta eigin frammistöðu og annarra á gagnrýninn hátt