JARÐ3VH05

 JARÐ 3VH05 - Veður- og haffræði

Viðfangsefni: Veður- og haffræði
Lýsing: Áfanginn fjallar um grundvallarþætti í samsetningu og eðlisfræði lofthjúpsins. Áhrif sólargeislunar á lofthjúpinn og misjafna hitadreifingu jarðar. Veðrakerfin og þrýstingsbreytingar í lofthjúpi jarðar. Tengsl veðurfars og gróðurbelta og áhrif verðurfarsbreytinga á lífríki jarðar. Sérstaklega verður fjallað um veðurfar og veðráttu á Íslandi. Þá verður í áfanganum tekin fyrir fræði hafsins þar sem hafið er skoðað m.t.t. seltu, strauma, hafsbotns, sjávarhita, hafíss og helstu lífsskilyrða sjávar.
Forkröfur: JARÐ2ÚÖ05 eða JARÐ1AJ05 eða LAND2LA05
 
Þekkingarviðmið: Nemandi skal hafa öðlast þekkingu og skilning á:
  • lofthjúpi jarðar, efnasamsetningu og lagskiptingu hans
  • helstu ferlum sem valda veðrum
  • mismunandi skýjagerðum og flokkun þeirra
  • vindakerfi jarðar
  • loftslags- og gróðurbeltum
  • loftslagsbreytingum og orsökum þeirra
  • helstu einkennum hafstrauma og sjávargerða við Ísland
  • helstu breytiþáttum sjávar og sjávarstraumum
  • tengslum veðurfars og gróðurbelta og tengslum veðurfars og landslags
 
Leikniviðmið:  Nemandi skal hafa öðlast leikni í að:
  • gera einfalda veðurspá út frá þrýstikorti
  • lesa veðurkort
  • greina ský og nýta skýjamyndanir til að segja til um veður
  • segja til um áhrif seltu og hita á hafstrauma
  • skoða hafið út frá mikilvægi þess á jörðinni og þeim áhrifum sem það hefur við strendur landa
  • fjalla um veðurlag út frá stöðu veðrakerfa í nágrenni landsins
 
Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:
  • fylgjast með og skilja veðurspá
  • gera einfaldar veðurspár byggðar á eigin athugunum, veðurkortum og veðurlýsingum
  • meta veðurfar og veðurfarsbreytingar og áhrif þeirra á lífsskilyrði á Íslandi og í heiminum
  • sýna sjálfstæð og öguð vinnubrögð í upplýsingaöflun, mati, úrvinnslu og framsetningu veðurgagna
  • meta þau áhrif sem hafið hefur á daglegt líf okkar t.d. hvað varðar veðurfar, sjávarföll og sjávarstrauma