Raunvísindabraut

Raunvísindabrautarnemandi að fara á 2. námsár:

Brautarkröfuna þína sérðu í Innu (undir „Námsferill“). Kjarnaáfangarnir eru efst. Þá þarftu alla að taka, en ekki endilega alla strax.

 Hér er áfangaframboð haustannarinnar.

 Hér er langtímaáfangaframboðið.

 Svona velurðu í Innu

Ef þú ert ekki byrjuð/aður á 3. tungumáli er best að gera það núna, því þú þarft að taka þrjá áfanga í röð (á þremur önnum).

Þú verður að halda áfram í stærðfræðinni og fara leiðina sem er merkt með bleikum grunni á þessari mynd. Athugaðu að STÆR2TL05 geturðu tekið samhliða öðrum stærðfræðiáföngum. Ef þú ætlar að taka mikla stærðfræði er mikilvægt að þú missir ekki úr rununni og veljir t.d. STÆR3MD05 ef þú ert að klára 3HV05.

Gott er að halda líka áfram í íslenskunni. Ef þú ert komin(n) að 3. þrepi geturðu valið á milli fjögurra áfanga. Þú þarft að taka tvo þeirra.

Hér eru leiðbeiningar um leiðina í gegnum íslenskunaenskuna og stærðfræðina.

Svo skaltu skoða áfanga í bundnu vali. Á brautarlýsingunni þinni geturðu smellt á rauðu áfangana og séð hvað er kennt í hverjum.

Ekki velja umhverfisfræðina strax, þú þarft að vera komin(n) á 3. hæfniþrep í íslensku og ensku áður en þú tekur hana, hún er eiginlega 3. árs - áfangi.

Athugaðu, ef þú ætlar að sérhæfa þig í ákveðinni raungrein, þá verðurðu að velja hana strax og taka áfanga sem eru í boði á hverri önn. Margir áfangar í bundnu vali eru bara í boði aðra hverja önn, svo þú þarft að passa að taka þá þegar þeir eru í boði. Einnig, ef þú ætlar að taka langa keðju (t.d. ef þú vilt taka erfðafræði) þá þarftu að velja strax undanfarana, svo þú náir áföngunum áður en þú útskrifast.

Þú átt að velja HÁMA1HV02 (sem er 3. áfangi) og svo geturðu valið úr heilsueflingaráföngum að taka. Allir nemendur (nema afreksíþróttanemendur) taka þrjá áfanga.

Ef þú vilt útskrifast á 3 árum þarftu að fá fulla töflu allar annir. Því er mikilvægt að þú veljir 6 áfanga plús hámark/heilsueflingu.

Mundu að velja 2 áfanga í varaval (fyrr geturðu ekki vistað valið).

Þú getur líka sótt brautarlýsinguna í excel og merkt inn hvað þú ert búin(n) með og hvað þú átt eftir.

Nemendur á afrekssviði:

Næsti afreksíþróttaáfangi heitir AÍÞR1SÆ02. Þú verður að velja hann. Þar að auki ættirðu að íhuga að velja ÍÞRM1MM02 og/eða SKYN2EÁ01 og íþróttafræðiáfanga, ef þú ert ekki búin(n) að því. 

Raunvísindabrautarnemandi að fara á 3. - 4. námsár:

Brautarkröfuna þína sérðu í Innu (undir „Námsferill“). Kjarnaáfangarnir eru efst. Nú fer að koma að því að þú klárir kjarnann. Athugaðu að sumir áfangar þar eru bara kenndir aðra hverja önn (sjá langtímaframboðið).

 Hér er áfangaframboð haustannarinnar.

 Hér er langtímaáfangaframboðið.

 Svona velurðu í Innu

Nú ættirðu að vera byrjuð/byrjaður á 3. tungumáli, ef ekki, þá er nauðsynlegt að setja fyrsta áfangann inn efst í valinu. Ef þetta er staðan gætirðu þurft að taka tvo áfanga samhliða, en það er ekki sjálfsögð undantekning og þú gerir þér erfiðara fyrir.

Þú velur bundna valáfanga út frá þeirri sérhæfingu sem þú ætlar að hafa. Athugaðu að flestir áfangar í bundnu vali eru bara kenndir aðra hverja önn, svo ef þú vilt t.d. taka meiri jarðfræði, líffræði, eðlisfræði eða efnafræði, verða þeir áfangar ekki í boði á vorönn 2019. T.d. ef þú ert búin(n) með EFNA2VV05 þá er EFNA3GH05 í boði, hann er undanfari fyrir EFNA3RS05 sem verður á vorönn 2019. Á brautarlýsingunni þinni geturðu smellt á rauðu áfangana og séð hvað er kennt í hverjum.

Hér eru leiðbeiningar um leiðina í gegnum íslenskunaenskuna og stærðfræðina.

Þú ert núna í síðasta HÁMA-áfanganum þínum. Ef þú átt eftir heilsueflingaráfanga (þarft að taka 3 samtals) geturðu valið hann núna. Margar íþróttir í boði.

Ef þú vilt útskrifast á 3 árum þarftu að fá fulla töflu allar annir. Því er mikilvægt að þú veljir 6 til 7 áfanga.

Mundu að velja 2 áfanga í varaval (fyrr geturðu ekki vistað valið).

Þú getur líka sótt brautarlýsinguna í excel og merkt inn hvað þú ert búin(n) með og hvað þú átt eftir.

Þar sem styttist (vonandi) í útskriftina þína, er gott að fá viðtal í ágúst við áfangastjóra eða námsferlastjóra til að fara yfir síðustu annirnar. Það verður auglýst betur síðar.

Nemendur á afrekssviði:

Næsti afreksíþróttaáfangi heitir AÍÞR2HÁ02. Þú verður að velja hann. Ef þú ert ekki búin(n) með ÍÞRM1MM02, SKYN2EÁ01, ÍÞRF2SM05 og ÍÞRF2NÞ05 mæli ég með að þú veljir a.m.k. einhverja af þeim óloknu núna.