Raunvísindabraut

Leiðbeiningar fyrir nemanda á raunvísindabraut að fara á 2. námsár:

Brautarkröfuna þína sérðu í Innu (undir „Námsferill“). Kjarnaáfangarnir eru efst. Þá þarftu alla að taka. Athugaðu að þú þarft ekki að klára kjarnann áður en þú velur bundið val. Mikilvægt er að taka það samhliða.

 Hér er áfangaframboð haustsins.

 Hér er langtímaáætlun á áfangaframboðinu.

Svona velurðu í Innu

Ef þú ert ekki byrjuð/aður á 3. tungumáli er best að gera það núna, því þú þarft að taka þrjá áfanga í röð (á þremur önnum). Í boði er franska, spænska eða þýska.

Þú verður að halda áfram í stærðfræðinni og fara leiðina sem er merkt með bleikum grunni á þessari mynd. Athugaðu að STÆR2TL05 geturðu tekið samhliða öðrum stærðfræðiáföngum. Ef þú ætlar að taka mikla stærðfræði er mikilvægt að þú missir ekki úr rununni og veljir t.d. STÆR3MD05 ef þú ert að klára 3HV05.

Gott er að halda líka áfram í íslenskunni. Ef þú ert komin(n) að 3. þrepi geturðu valið á milli fjögurra áfanga. Þú þarft að taka tvo þeirra á næstu önnum.

Hér eru leiðbeiningar um leiðina í gegnum íslenskunaenskuna og stærðfræðina.

Svo skaltu skoða áfanga í bundnu vali. Á brautarlýsingunni þinni geturðu smellt á rauðu áfangana og séð hvað er kennt í hverjum. 

Ekki velja umhverfisfræðina strax, þú þarft að vera komin(n) á 3. hæfniþrep í íslensku og ensku áður en þú tekur hana, hún er eiginlega 3. árs - áfangi.

Athugaðu, ef þú ætlar að sérhæfa þig í ákveðinni raungrein, þá verðurðu að velja hana strax og taka áfanga sem eru í boði á hverri önn. Margir áfangar í bundnu vali eru bara í boði aðra hverja önn, svo þú þarft að passa að taka þá þegar þeir eru í boði. Einnig, ef þú ætlar að taka langa keðju (t.d. ef þú vilt taka erfðafræði) þá þarftu að velja strax undanfarana, svo þú náir áföngunum áður en þú útskrifast.

Þú átt að velja HÁMA1HV02 (sem er 3. áfangi) og svo geturðu valið úr heilsueflingaráföngum. Það er gott að taka þá samhliða HÁMA-áföngunum því þeir raðast gjarnan í sama stokk í stundatöflunni. Allir nemendur (nema afreksíþróttanemendur) taka þrjá áfanga.

Ef þú vilt útskrifast á 3 árum þarftu að fá fulla töflu allar annir. Því er mikilvægt að þú veljir 6 áfanga plús hámark/heilsueflingu.

Mundu að velja 2 áfanga í varaval (fyrr geturðu ekki vistað valið).

Þú getur líka sótt brautarlýsinguna í excel og merkt inn hvað þú ert búin(n) með og hvað þú átt eftir.

Nemendur á afrekssviði:

Næsti afreksíþróttaáfangi heitir AÍÞR1SÆ02. Þú verður að velja hann. Þar að auki ættirðu að íhuga að velja ÍÞRM1MM02 og/eða SKYN2EÁ01 og/eða annan hvorn ÍÞRF - áfangann, ef þú ert ekki búin(n) að því.