Viðskipta- og hagfræðibraut

Viðskipta- og hagfræðibrautarnemandi að fara á 3. námsár:

Brautarkröfuna þína sérðu í Innu (undir „Námsferill“). Kjarnaáfangarnir eru efst. Nú fer að koma að því að þú klárir kjarnann. Athugaðu að sumir áfangar þar eru bara kenndir aðra hverja önn (sjá langtímaframboðið). Það gæti því verið síðasti séns fyrir þig að taka suma áfangana.

Hér er áfangaframboð haustsins.

 Hér er langtímaáætlun á áfangaframboðinu

 Svona velurðu í Innu

 

Nú ættirðu að vera byrjuð/byrjaður á 3. tungumáli, ef ekki, þá er nauðsynlegt að setja fyrsta áfangann inn efst í valinu. Ef þetta er staðan gætirðu þurft að taka tvo áfanga samhliða, en það er ekki sjálfsögð undantekning og þú gerir þér erfiðara fyrir.

 

Við mælum með að þú takir meiri stærðfræði en brautaruppbyggingin sýnir. 10 einingar á 3. hæfniþrepi eru nýlega komnar inn í æskileg hæfniviðmið í háskólanámi. STÆR3ÁT05 og 3HV05 og 3MD05 eru góðir kostir.

Ef þú ert ekki búin(n) með ENSK3TV05 þá skaltu taka hann á næstu önn.

Þú velur bundna valáfanga út frá þeirri sérhæfingu sem þú ætlar að hafa. Athugaðu að flestir áfangar í bundnu vali eru bara kenndir aðra hverja önn, svo ef þú vilt t.d. taka framhaldsáfanga í bókfærslu eða auglýsingasálfræði, verða þeir áfangar ekki í boði á vorönn 2019. Á brautarlýsingunni þinni geturðu smellt á rauðu áfangana og séð hvað er kennt í hverjum.

Hér eru leiðbeiningar um leiðina í gegnum íslenskunaenskuna og stærðfræðina.

Þú ert núna í síðasta HÁMA-áfanganum þínum. Ef þú átt eftir heilsueflingaráfanga (þarft að taka 3 samtals) geturðu valið hann núna. Margar íþróttir í boði.

Ef þú vilt útskrifast á 3 árum þarftu að fá fulla töflu allar annir. Því er mikilvægt að þú veljir 6 áfanga plús hámark/heilsueflingu. Ef þú ert ekki þegar búin(n) með 100 einingar (fyrir þessa önn) skaltu skoða alvarlega að ljúka náminu á 3 1/2 ári eða jafnvel lengur. Það er nákvæmlega EKKERT að því.

Mundu að velja 2 áfanga í varaval (fyrr geturðu ekki vistað valið).

Þú getur líka sótt brautarlýsinguna í excel og merkt inn hvað þú ert búin(n) með og hvað þú átt eftir.

Þar sem styttist (vonandi) í útskriftina þína, er gott að fá viðtal í ágúst við áfangastjóra eða námsferlastjóra til að fara yfir síðustu annirnar. Það verður auglýst betur síðar.

Nemendur á afrekssviði:

Næsti afreksíþróttaáfangi heitir AÍÞR2UA02. Þú verður að velja hann. Ef þú ert ekki búin(n) með ÍÞRM1MM02, SKYN2EÁ01, ÍÞRF2SM05 og ÍÞRF2NÞ05 mæli ég með að þú veljir a.m.k. einhverja af þeim óloknu núna.