Opin námsbraut 1. ár

Almennar leiðbeiningar 

Eðlilegast er að halda áfram í grunnfögunum, s.s. íslensku, ensku og stærðfræði. Ekki er verra að klára dönskuna, ef þú ert ekki að því nú þegar. (S.s. síðasti áfanginn í skyldu er 2DF05). 

Ef þú fékkst C eða D í dönsku í grunnskóla er mikilvægt að þú skráir þig í DANS1GR05 á næstu önn, því þú þarft þá að taka 3 áfanga í dönsku.

Ef þú hugsar þér að sérhæfa þig í stærðfræði er nauðsynlegt að taka STÆR2AF05 en ekki STÆR2HG05, svo þú getir haldið áfram upp rununa 3HV-3MD-3HD o.s.frv.

STÆR2TL05 er til hliðar við aðra stærðfræði. Hann er kjarnafag á öllum brautum, en ef þú ætlar að taka mikla stærðfræði er mikilvægt að fara upp hina rununa.

Það er ekki nauðsynlegt að hreinsa upp kjarnann áður en þú byrjar sérhæfingunni. Það er mikilvægt að þú ákveðir hvernig þú ætlar að byggja valpakkann þinn upp. Kynntu þér vel brautina þína. Til að skoða innihald áfanga bundins vals, velurðu Áfangalýsingar og þar geturðu lesið um innihald allra áfanganna í skólanum. Gerðu þér grein fyrir að sumir áfangar eru bara í boði aðra hverja önn (sjá langtímaframboðið) og skipuleggðu val þitt með tilliti til þess. Athugaðu að ekki er í boði að taka áfanga starfsbrautar sem hluta af opinni námsbraut, en allt annað kemur til greina. Athugaðu líka að þú verður á endanum að vera með a.m.k. 35 einingar á 3. hæfniþrepi og samtals 100 einingar á 2. og 3. hæfniþrepi við útskrift.

Það er mikilvægt að þú planir í hvaða fögum þú ætlar að sérhæfa þig. Þú verður að hafa fyrirhugað háskólanám í huga. Á þessari síðu: http://www.flensborgarskolinn.com/haeligfniviethmieth-haacuteskoacutelanna.html eru æskileg hæfniviðmið háskólanna tekin saman. Þar sérðu hvaða grunn þú þarft að hafa fyrir flestar námsleiðir háskólanna. Námsráðgjafar, sviðsstjórar og stjórnendur skólans geta aðstoðað þig í þessu.

Ef þú vilt ljúka náminu á 3 árum, þarftu að fá fulla stundatöflu á hverri önn. Því er mjög mikilvægt að þú veljir sex áfanga, plús HÁMA1SÁ02 og íþróttaáfanga (ef þú ert ekki búin(n) með 6 einingar í íþróttum nú þegar) og bætir svo a.m.k. tveimur varavalsáföngum við. Annars er ekki tryggt að þú fáir nóg nám inn í töfluna þína!

Hér eru áfangarnir sem eru í boði á vorönn.

Hér eru svo leiðbeiningar um hvernig þú velur í Innu.

Varðandi afrekssviðið:

Brautarlýsinguna með afrekssviðinu sérðu hér. 

Hér er excelskjalið sem þú skalt vista og merkja við.

Næsti afreksíþróttaáfangi er AÍÞR1SÆ02. Þú getur líka valið ÍÞRF2SM05 eða ÍÞRF2NÞ05 sem eru á afrekssviðinu.