Raunvísindabraut 1. ár

Almennar leiðbeiningar

Eðlilegast er að halda áfram í grunnfögunum, s.s. íslensku, ensku og stærðfræði. Ekki er verra að klára dönskuna, ef þú ert ekki að því nú þegar. (S.s. síðasti áfanginn í skyldu er 2DF05).

Ef þú fékkst C eða D í dönsku í grunnskóla er mikilvægt að þú skráir þig í DANS1GR05 á næstu önn, því þú þarft þá að taka 3 áfanga í dönsku.

Ef þú ert búin(n) með eða að taka STÆR2AF05 skaltu velja STÆR3HV05 næst. STÆR2TL05 er hliðaráfangi sem þú getur tekið samhliða eða síðar en mikilvægt er að halda áfram með röðina 2AF-3HV-3MD-3HD. Ef þú ert í STÆR1AR05 skaltu velja STÆR2AF05 (EKKI 2HG)

Haltu áfram með raungreinarnar. Í kjarna er EFNA2AM05 og EFNA2VV05, það er ágætt að halda áfram með efnafræðina. Ef þú ætlar að taka mikla líffræði er nauðsynlegt að taka núna LÍFF2LE05. Í jarðfræði eru tveir spennandi valkostir, JARÐ2IÖ05, sem er um innræn öfl, og JARÐ3VH05 sem er veður- og haffræði. Einnig er stjörnufræði, STJÖ2SV05 í boði. Ef þú ert í tæknifræði/verkfræði eða efna- eða eðlisfræðihugleiðingum er EÐLI2HK05 mikilvægur áfangi. Ef þú hefur hug á að taka mikla forritun er tilvalið að taka FORR2FC05 á næstu önn.

Svo þarftu að velja þriðja tungumál. Það má byrja á því á 2. önn en líka í fínu lagi að byrja á því næsta haust. Allavega er almennt talið betra að nemendur ljúki dönsku áður en þeir byrja á 3. tungumáli. Þú gætir kannski sett 1. áfanga (1EL05) í varaval.

Skoðaðu rækilega brautalýsinguna þína. Þar geturðu lesið um innihald allra áfanganna (Þú smellir á áfanganúmerið).

Hér eru áfangarnir sem eru í boði á vorönnHér er svo áætlun um framboð á næstu önnum. Þar geturðu séð hversu oft og hvenær áfangar sem þig langar að taka, eru kenndir.

Við mælum með að þú sækir excelyfirlit yfir brautina þína og merkir inn áfangana sem þú ert búin(n) með og ætlar að taka næst. Þetta skjal skaltu svo geyma og uppfæra á hverri önn.

Hér eru þrjár hjálparmyndir sem sýna leiðina í gegnum íslenskuna, enskuna og stærðfræðina.

Ef þú vilt ljúka náminu á 3 árum, þarftu að fá fulla stundatöflu á hverri önn. Því er mjög mikilvægt að þú veljir sex áfanga, plús hámark og íþróttir  og bætir svo a.m.k. tveimur varavalsáföngum við. Annars er ekki tryggt að þú fáir nóg nám inn í töfluna þína! Athugaðu að þú getur ekki vistað valið inn ef það vantar varavalið.

Hér eru svo leiðbeiningar um hvernig þú velur í Innu.

Varðandi afrekssviðið:

Brautarlýsinguna með afrekssviðinu finnurðu hér.

Hér er excelskjalið sem þú getur vistað og merkt við. 

Næsti afreksíþróttaáfangi er AÍÞR1SÆ02. Þú getur líka valið ÍÞRF2SM05 eða ÍÞRF2NÞ05 sem eru á afrekssviðinu.