Viðskipta- og hagfræðibraut 1. ár

Eðlilegast er að halda áfram í grunnfögunum, s.s. íslensku, ensku og stærðfræði. Ekki er verra að klára dönskuna, ef þú ert ekki að því nú þegar. (S.s. síðasti áfanginn í skyldu er 2DF05). 

Ef þú fékkst C eða D í dönsku í grunnskóla er mikilvægt að þú skráir þig í DANS1GR05 á næstu önn, því þú þarft þá að taka 3 áfanga í dönsku.

Svo er að skoða viðskiptagreinarnar. Hvert stefnirðu? Það er fjölbreytt framboð viðskiptagreina á næstu önn. Athugaðu að þó einungis 2 áfangar séu í kjarna í stærðfræði á brautinni er sterklega mælt með að þú takir a.m.k. STÆR3HV05 og STÆR3MD05 sem undirbúning undir viðskiptagreinar í háskólunum.  STÆR2TL05 má bíða (eða taka samhliða). Ef þú ert í STÆR1AR05 þá er 2AF næstur í röðinni.

Skoðaðu rækilega brautalýsinguna þína. Þar geturðu lesið um innihald allra áfanganna (Þú smellir á áfanganúmerið).

Hér eru áfangarnir sem eru í boði á vorönnHér er svo áætlun um framboð á næstu önnum. Þar geturðu séð hversu oft og hvenær áfangar sem þig langar að taka, eru kenndir.

Brautarkröfuna þína sérðu í Innu (undir „Námsferill“). Kjarnaáfangarnir eru efst. Þá þarftu alla að taka.

Svo þarftu að velja þriðja tungumál. Það má byrja á því á 2. önn en líka í fínu lagi að byrja á því næsta haust. Allavega er almennt talið betra að nemendur ljúki dönsku áður en þeir byrja á 3. tungumáli.

Þú verður að taka einhverja viðskiptagreinaáfanga. Í boði eru lögfræði og þjóðhagfræði í kjarnanum, framhaldsáfangi í tölvubókhaldi, en einnig í frumkvöðlafræði og fjármálum, ef þú ert að taka 1. áfangann í þessum greinum núna. 

Við mælum með að þú sækir excelyfirlit yfir brautina þína og merkir inn áfangana sem þú ert búin(n) með og ætlar að taka næst. Þetta skjal skaltu svo geyma og uppfæra á hverri önn.

Hér eru þrjár hjálparmyndir sem sýna leiðina í gegnum íslenskuna, enskuna og stærðfræðina.

Ef þú vilt ljúka náminu á 3 árum, þarftu að fá fulla stundatöflu á hverri önn. Því er mjög mikilvægt að þú veljir sex áfanga, plús hámark og íþróttir  og bætir svo a.m.k. tveimur varavalsáföngum við. Annars er ekki tryggt að þú fáir nóg nám inn í töfluna þína! Athugaðu að þú getur ekki vistað valið inn ef það vantar varavalið.

Hér eru svo leiðbeiningar um hvernig þú velur í Innu.

Varðandi afrekssviðið:

Brautarlýsinguna með afrekssviðinu finnurðu hér.

Hér er excelskjalið sem þú getur vistað og merkt við.

Næsti afreksíþróttaáfangi er AÍÞR1SÆ02. Þú getur líka valið ÍÞRF2SM05 eða ÍÞRF2NÞ05 sem eru á afrekssviðinu.