Viðskipta- og hagfræðibraut 2. ár

Almennar leiðbeiningar

Almenna lýsingin á brautinni er hér. Þú getur smellt á áfanganúmerin til að sjá hvað er kennt í hverjum áfanga. Við reiknum með að þú hafir sótt þér excelskjalið með brautinni þinni í fyrra og dundað þér við að lita áfangana sem þú ert búin(n) með og skráð(ur) í. Ef ekki, eða ef þú ert búin(n) að týna því, er ekki úr vegi við að sækja það núna. Þú opnar skjalið og uppfærir. Merkir t.d. dökkgrænt sem er komið og gult sem þú ert skráð(ur) í núna. Vistar skjalið svo á vísum stað. (Afrekskrakkar, sjá neðst).

Þetta hjálpar þér að sjá hvernig staðan er. 

Mundu að velja HÁMA1SÁ02. 

Hér eru þrjár hjálparmyndir sem sýna leiðina í gegnum íslenskunaenskuna og stærðfræðina.

Nú ættirðu að vera búin(n) með slatta af kjarnanum. Þá er um að gera að skoða hvaða bundna val þú ætlar að taka. Það eru kannski 3-4 annir eftir (í sumum tilfellum aðeins meira) og þá getur skipt máli hvort áfangarnir eru kenndir á öllum önnum eður ei. Þú finnur upplýsingar um það í langtímaframboðsskjalinu á þessari síðu. Þar er líka yfirlit yfir framboð vorannar. Það er ekki nauðsynlegt að hreinsa upp allan kjarnann áður en þú byrjar á bundna valinu. Það er mikilvægt að þú takir sem flesta áfanga í bundnu vali sem eru í boði á önninni.

 

Á brautinni eru þessir bundnu valáfangar í boði: BÓKF2TÖ05 - tölvubókhald, FRUM3SR05 - stofnun og rekstur fyrirtækja (FRUM2HÁ05 er undanfari), FJÁR3ÁV05 - ávöxtunarkrafa og verðbréf (FJÁR2FH05 er undanfari) og svo stærðfræðiáfangar. Við mælum eindegið með að þið takið a.m.k. STÆR3HV05 og STÆR3MD05 sem hluta af brautinni, þó það sé ekki skylda. Mjög margt háskólanám í viðskipta- og hagfræðigreinum, krefst meiri undirbúnings í stærðfræði en kjarni brautarinnar í Flensborg segir til um.

Ef þú ert ekki byrjuð/aður á 3. erlenda tungumáli er ekki seinna vænna að gera það, því þú þarft að taka 3 áfanga í því og það tekur a.m.k. 3 annir. Fyrsti áfanginn heitir 1EL05 og það er val um frönsku, spænsku eða þýsku. Næsti áfangi er 1DA05 og síðasti kjarnaáfanginn heitir 1ME05.

Þú ert líklega komin(n) að því að velja íslenskuáfanga á 3. þrepi (ef þú ert ekki þegar búin(n) með einn). Þar er um fjóra áfanga að velja og þú þarft að taka (a.m.k.) tvo. Þetta eru 3BF, sem eru íslenskar bókmenntir fyrri alda, 3BS, íslenskar bókmenntir síðari alda, 3BX, sérstakur áfangi um Nóbelskáldið okkar (Halldór Laxness) og 3RR, sem er ritunaráfangi með stóru ritunarverkefni (tilvalið að æfa ritun alvöru heimildaritgerðar). Ef þú tekur fleiri íslenskuáfanga á 3. þrepi, túlkast viðbótin sem "bundið val annarra brauta" - en reglurnar segja að nemendur mega taka tvo bundna valáfanga af öðrum brautum en þeirra eigin.

Ef þú ert ekki búin(n) að taka neina náttúrufræðigrein er tilvalið að byrja á þeim. Í boði eru EFNA1EU05, JARÐ1AJ05 og LÍFF1LA05. Fjórði áfanginn, EÐLI1KE05 verður ekki á vorönn, en kenndur aftur næsta haust.

Síðasti enskuáfanginn á brautinni er ENSK3TV05. Það má þó taka fleiri enskuáfanga, við mælum með einum i viðbót, þar koma allir hinir 3. þreps áfangarnir til greina.

Líklega er best að hinkra með UMHV3AU05 - áfangann þar til á næsta námsári. Kröfur inn í hann er að nemandi sé búinn með ÍSLE2BM05, ENSK2SO05 og a.m.k. einn raungreinaáfanga.

Ef þú vilt ljúka náminu á 3 árum, þarftu að fá fulla stundatöflu á hverri önn. Því er mjög mikilvægt að þú veljir sex áfanga, plús HÁMA1SÁ02 og íþróttaáfanga (ef þú ert ekki búin(n) með 6 einingar í íþróttum nú þegar) og bætir svo a.m.k. tveimur varavalsáföngum við. Annars er ekki tryggt að þú fáir nóg nám inn í töfluna þína!

Athugaðu að námsmagnið fer eftir því hvernig þér gengur fram að þessu. Mörgum nemendum dugar að taka 25-29 einingar á önn en aðrir ráða við meira.

Hér eru svo leiðbeiningar um hvernig þú velur í Innu.

Varðandi afrekssviðið:

Hér er brautalýsingin með afrekssviðinu. Hér er svo excelskjalið sem þú fyllir út 

Næsti afreksíþróttaáfangi er AÍÞR1TH02. Þú getur líka valið ÍÞRF2SM05 eða ÍÞRF2NÞ05 sem eru á afrekssviðinu, ef þú ert ekki búin(n) með það. ÍÞRM1MM02 er íþróttameiðslaáfangi sem þú þarft að taka einhvern tíma á næstu önnum ef þú ert ekki búin(n) með hann. Eins er skyndihjálparnámskeið (SKYN2EÁ01) í boði. Hann er skylda á afrekssviðinu.