Raunvísindabraut 3. ár

Almennar leiðbeiningar 

Nú líður að lokum á náminu hjá þér. Athugaðu að þó þú sért á þriðja ári er ekki víst að þú náir að klára í vor. Til þess þarftu að ljúka að meðaltali 33,3 einingum á önn og tryggt að einingar í grunnfögunum á 1. þrepi séu ekki fleiri en 15, annars þarftu að taka meira en 200 einingar. Ýmislegt annað gæti líka staðið í veginum, s.s. runur af áföngum sem þú verður að taka, þar sem einn áfangi er undanfari þess næsta.

Við mælum með því að þú notir brautalýsinguna og excel-blaðið, merkir við það sem þú ert búin(n) með og sjáir þannig hvað stendur út af.

Athugaðu að þú þarft að ljúka öllum grænu áföngunum, a.m.k. 2 gulu íslenskuáföngunum og a.m.k. 2 af gulu félagsvísindaáföngunum. Svo þarftu að ljúka a.m.k. 45 einingum (9 áföngum) af þessum rauðu, þ.e. bundnu vali. Reyndar mega allt að 2 þeirra vera af bundnu vali annarra brauta eða utan brauta. Svo þarftu að vera með a.m.k. 200 einingar við námslok.

Hér eru tvær töflur sem sýna áfangana sem eru í boði á næstu önn og líka, ef þú verður ennþá hjá okkur í haust, langtímaframboðið

Mikilvægt er að þú skoðir vel hæfniviðmið háskólanna fyrir það nám sem hugur þinn stefnir á.

Best er að þú hafir samband við Hrefnu Geirsdóttur, umsjónarmann námsferla, ef þú ert ekki þegar búin(n) að því. Hún fer yfir ferilinn með þér, sér hvort allt sé í lagi og ráðleggur þér hvað þú átt að velja. Þú færð upplýsingar um viðtalstíma hennar á skrifstofunni.

Á síðustu önninni þinni velurðu áfangann VIBS1LO01 (sem hét áður LOK171).

Skoðaðu áfangaframboðið vel og langtímaframboðið, ef þú reiknar með sjöundu önninni. Sumir áfangar sem þú vilt taka eru bara kenndir á vorönnum.

Mundu að velja varaval. Inna gerir kröfu um að tveir áfangar séu skráðir í varaval, annars tekst ekki að vista valið. Ef stefnan er tekin á útskrift í maí, þarftu að skoða, þegar stundaskráin þín verður tilbúin í byrjun janúar, hvort þú fékkst ekki örugglega það sem þarf til að útskrifast. Einnig, ef þú reiknar með 7. önninni, að athuga hvort þú hafir ekki örugglega komist inn í þá áfanga sem þú ætlar að taka, en eru ekki kenndir á haustönnum.

Varðandi afrekssviðið:

Hér er brautalýsing raunvísindabrautarinnar með afrekssviðinu. Og hér er excelskjalið góða. Nemandi á 3. ári velur AÍÞR2HÁ03. Ef þú ert ekki búin(n) með íþróttafræði, íþróttameiðsl og/eða skyndihjálp, skaltu velja það.