Félagsvísindabraut 3. ár

Almennar leiðbeiningar 

Nú líður að lokum á náminu hjá þér. Athugaðu að þó þú sért á þriðja ári er ekki víst að þú náir að klára í vor. Til þess þarftu að ljúka að meðaltali 33,3 einingum á önn og tryggt að einingar í grunnfögunum á 1. þrepi séu ekki fleiri en 15, annars þarftu að taka meira en 200 einingar. Ýmislegt annað gæti líka staðið í veginum, s.s. runur af áföngum sem þú verður að taka, þar sem einn áfangi er undanfari þess næsta.

Athuganir okkar sýna að einungis um fjórðungur nemenda lýkur náminu á sex önnum, algengara er að nemendur þurfi að taka sjö annir.

Við mælum með því að þú notir brautalýsinguna og excel-blaðið, merkir við það sem þú ert búin(n) með og sjáir þannig hvað stendur út af.

Athugaðu að þú þarft að ljúka öllum grænu áföngunum, og gulu að hluta (2 áfanga í íslensku á 3. þrepi og 2 náttúrufræðiáfanga. Svo þarftu að ljúka a.m.k. 50 einingum af þessum rauðu, þ.e. bundnu vali. Reyndar mega allt að 2 af þeim áföngum vera af bundnu vali annarra brauta eða utan brauta. Svo þarftu að vera með a.m.k. 200 einingar við námslok.

Hér eru tvær töflur sem sýna áfangana sem eru í boði á næstu önn (og ef þú verður ennþá hjá okkur í haust, langtímaframboðið).

Við leggjum til að þú skoðir heimasíður háskólanna sem bjóða upp á það nám sem þú stefnir á. Þar sérðu æskilegan undirbúning / æskileg hæfniviðmið fyrir námið. Athugaðu að það er á þína ábyrgð og einskis annars að þú uppfyllir þau viðmið sem háskólinn krefst. Hrefna Geirsdóttir, námsferilsstjóri, Helga og Sunna námsráðgjafar, og Þorbjörn áfangastjóri geta ráðlagt þér ef þú hefur ákveðna stefnu. Ekki hika við að hafa samband við einhver þeirra. Netföngin eru hér á heimasíðunni. Hrefna Geirsdóttir námsferilsstjóri sér um að aðstoða nemendur sem eru að ljúka námi. Hún skoðar með ykkur hvort valið uppfyllir kröfur brautarinnar.

Á síðustu önninni þinni velurðu áfangann VIBS1LO01 (sem hét áður LOK171).

Mundu að velja varaval. Inna gerir kröfu um að tveir áfangar séu skráðir í varaval, annars tekst ekki að vista valið. Ef stefnan er tekin á útskrift í maí, þarftu að skoða, þegar stundaskráin þín verður tilbúin í byrjun janúar, hvort þú fékkst ekki örugglega það sem þarf til að útskrifast. Einnig, ef þú reiknar með 7. önninni, að athuga hvort þú hafir ekki örugglega komist inn í þá áfanga sem þú ætlar að taka, en eru ekki kenndir á haustönnum.

Hér eru svo leiðbeiningar um hvernig þú velur í Innu.

Varðandi afrekssviðið:

Hér er brautalýsing félagsvísindabrautarinnar með afrekssviðinu. Og hér er excelskjalið góða. Nemandi á 3. ári velur AÍÞR2HÁ03. Ef þú ert ekki búin(n) með íþróttafræði, íþróttameiðsl og/eða skyndihjálp, skaltu velja það.