AÍÞR2HÁ03 - Afreksíþróttir - Hámarksárangur

Viðfangsefni: Hámarksárangur í líkamlegri þjálfun, tækniatriðum og hreyfifærni. Persónuleiki og markmiðssetning skiptir máli

Lýsing: Áfanginn er eingöngu ætlaður nemendum á íþróttafrekssviði og er kenndur í samráði við íþróttafélag nemandans. Áfanginn er miðaður við að nemandinn geti stundað sína íþróttagrein samhliða skóla og er einstaklingsmiðaður. Í þessum áfanga er unnið er út frá því að ná hámarksárangri í allri getu og í markmiðssetningu útfrá persónuleika og sjálfstrausti. Unnið er í að þróa keppnisrútinuna.

Forkröfur: AÍÞR2UA02

Þekkingarviðmið: Nemandi skal hafa öðlast þekkingu og skilning á:

• allri þeirri tækni sem þarf til að ná hámarksárangri
• þeirri hreyfifærni sem þarf til að ná hámarksárangi
• hvaða þolæfingar henta til að ná hámarksárangri
• að styrktarþjálfun er mikilvægasti þáttur þjálfunar
• að liðleikaþjálfun er mikilvægur þáttur þjálfunar til að vera með góða hreyfifærni
• að persónuleiki og þarfir hafa áhrif á markmiðssetningu og sjálfstraust
  
  

Leikniviðmið: Nemandi skal hafa öðlast leikni í að:

• beita fullkomnum tækniæfingum og að þróa allar grunn- og sérhæfðar tækniæfingar sem þarf til að ná hámarksárangri
• beita nánast fullkominni hreyfifærni og að þjálfa áfram grunn- og sérhæfðar hreyfiæfingar til að ná hámarksárangri
• þjálfa áfram allt grunn- og sérhæft þol til að ná hámarksárangri
• halda áfram að þjálfa allan grunn- og sérhæfðan styrk til að ná hámarksárangri
• beita réttum liðleikaæfingum til að fullkomna sína hreyfifærni
• vinna með jákvætt hugarfar og efla hugrekki til framkvæmda
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• nota tæknina til að fullkomna sig sem íþróttamann og fylgja eftir þeirri tækni sem þegar hefur verið náð
• nota rétta hreyfifærni til að fullkomna sig sem íþróttamann og fylgja eftir þeirri færni sem þegar hefur verið náð
• fylgja eftir því þoli sem viðkomandi hefur náð og bæta við það með réttum þolæfingum
• beita réttum styrktaræfingum, fylgja eftir þeim styrk sem viðkomandi hefur náð og kunna aðferðir til að þjálfa styrk sem gerir manni kleift að fullkomna sig sem íþróttamann
• fylgja og bæta við þann liðleika sem viðkomandi hefur náð
• finna út hvað keppnisrútina hentar hverju sinni
• bæta markmiðin sín og geta breytt markmiðum sínum miða við breytingu á getu og hugarfari