Sérsvið

Félagslífssvið

Þátttaka í stjórnun og skipulagi félagslífs skólans getur verið hluti af námi nemenda.

Nemendur sviðsins:

• Nýta 10 einingar af bundnu vali brautarinnar í séráfanga sviðsins
• Nýta 10 einingar af frjálsu vali brautarinnar í séráfanga sviðsins
• Félagslífssvið er að hámarki 20 einingar

Uppsetning sviðs:

Íþróttaafrekssvið

Þeir áfangar sem tilheyra íþróttaafrekssviði Flensborgarskólans eru eftirfarandi:

Flensborgarskólinn í Hafnarfirði starfrækir íþróttaafrekssvið í samstarfi við ÍBH (Íþróttabandalag Hafnarfjarðar), öll íþróttafélög á landinu og ÍSÍ (Íþróttasamband Íslands).

Íþróttaafrekssvið er hluti af námsbrautum til stúdentsprófs. Séráfangar sviðsins eru ýmist teknir hjá skólanum eða viðkomandi íþróttafélagi. Tilgangurinn er að efla ungt íþróttafólk og búa það undir að stunda íþróttir sem atvinnumenn eða afreksmenn í sinni grein.

Komið er til móts við nemendur á íþróttaafrekssviði t.d. vegna keppnisferða með tilhliðrun prófa og verkefna.

Nemandi kemst á íþróttaafrekssvið ef skólinn og viðkomandi félag/deild og ÍSÍ samþykkja.

Skipulag afrekssviðsins er á þann veg að á hverri önn tekur nemandi tveggja eininga afreksáfanga með æfingum og líkamsstyrktarþjálfun. Að auki lýkur nemandinn tveimur íþróttafræðiáföngum, þar sem umfjöllunarefnin eru m.a. íþróttasálfræði, markmiðasetning, næringarfræði og þjálffræði, og tveimur styttri námskeiðum, í skyndihjálp og meðhöndlun íþróttameiðsla.

Ráðgjöf og stuðningur við íþróttaafreksfólk

Flensborgarskólinn veitir íþróttaafreksnemendum sínum ráðgjöf og stuðning í námi. Oft getur álag við íþróttaiðkun eða meiðsl sett strik í reikninginn hjá ungu og efnilegu íþróttaafreksfólki. Einnig getur löng fjarvera vegna keppnisferðalaga haft víðtæk áhrif í námi. Díana Guðjónsdóttir, íþróttakennari og afreksþjálfari, hefur áratuga reynslu af því að vinna með ungu íþróttafólki og hefur hún á undanförnum árum veitt þeim leiðsögn og stuðning bæði í námi og í afreksgrein þeirra. Díana er með opna viðtalstíma og verða þeir auglýstir á heimasíðu skólans.

Hægt er að skoða tengingu við brautir hérna:

• Félagsvísindabraut-afrekssvið
• Opin námsbraut-afrekssvið
• Raunvísindabraut-afrekssvið
• Viðskipta-og hagfræðibraut afrekssvið

Verkefnastjóri sviðsins er Díana Guðjónsdóttir
Díana er með opna viðtalstíma í viðtalsherberginu í Hamri á miðvikudögum klukkan 10:00 - 12:15.
Hægt að panta tíma með því að senda á diana@flensborg.is

diana@flensborg.is

Listnámssvið

Flensborgarskólinn starfrækir listnámssvið í tónlist í samstarfi við Tónlistarskóla Hafnarfjarðar.

- Nám í tónlistarskóla, 20 einingar metnar (Grunnnám, miðnám og/eða hljómfræði)

• Nýta 10 einingar af bundnu vali brautarinnar í séráfanga sviðsins

• Nýta 10 einingar af frjálsu vali brautarinnar í séráfanga sviðsins

Tæknisvið

Flensborgarskólinn starfrækir tæknisvið í forritun:

• Tæknisvið er hluti af námsbrautum til stúdentsprófs.
• Tilgangurinn er að nemendur geti þjálfað færni sína í forritun samhliða framhaldsskólanámi og nýtt námið sem hluta stúdentsprófsins.
• Námið er að hámarki 20 einingar sem koma í stað bundins og frjáls vals á braut.
• Hægt að taka með öllum brautum stúdentsprófs.
• Kemur að hluta í stað sérhæfingar á stúdentsbrautinni.