FÉLA3KF05 - Félagsfræði - Kenningar og frumkvöðlar

Viðfangsefni: Meginkenningar í félagsfræði

Lýsing: í áfanganum fá nemendur kynningu á frumkvöðlum félagsfræðinnar og rannsóknaraðferðum greinarinnar. Nemendur fá þjálfun í að greina samfélagið og samskipti innan þess út frá ólíkum kenningum. Fjallað verður um eigindlegar og megindlegar rannsóknaraðferðir og farið í hin siðferðislegu vandamál er tengjast rannsóknum í félagsvísindum. Aðal markmið áfangans er að nemandi geti beitt helstu kenningum félagsfræðinnar á ýmis málefni og sitt félagslega umhverfi.

Forkröfur: FÉLA1IH05 og ÍSLE2BM05

Þekkingarviðmið: Nemandi skal hafa öðlast þekkingu og skilning á:

• helstu kenningum félagsfræðinnar, þ.e. samvirkni-, átaka- og samskiptakenningum
• aðalatriðum feminískra kenninga og póstmódernisma
• helstu hugtökum félagsfræðinnar
• helstu frumkvöðlum félagsfræðinnar og áhrif þeirra á kenningar og þróun greinarinnar
  
  

Leikniviðmið: Nemandi skal hafa öðlast leikni í að:

• beita kenningum á sjálfstæðan hátt á ýmis málefni og sitt félagslega umhverfi í umræðum og skriflegum texta
• beita hugtökum á mismunandi viðfangsefni
• geta tengt helstu hugtök félagsfræðinnar við samfélagslega umræðu
• nýta sér fjölbreyttar heimildir til upplýsingaöflunar
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• greina samfélagslegan vanda á sjálfstæðan hátt og geta notað aðferðir félagsfræðinnar til að leita lausna
• leita að heimildum, meta gæði þeirra og vitna rétt í þær
• geta teflt saman ólíkum sjónarhornum og heimildum og sett fram á skilmerkilegan hátt
• taka gagnrýna og fræðilega afstöðu til samfélagslegra álitamála