Viðfangsefni: Heimilisbókhald, vinnumarkaður, útgjöld, tekjur, lán, sparnaður.
Lýsing: Farið er yfir helstu grunnþætti í fjármálum sem snerta alla einstaklinga í íslensku þjóðfélagi. Markmiðið er að gera nemendur kleift að taka upplýstar ákvarðanir í eigin fjármálum sem byggja á staðreyndum, svo að þau verði sjálfbjarga í raunverulegum aðstæðum.
Forkröfur: Nemandi hafi lokið grunnskólaprófi í stærðfræði með hæfnieinkunn B, B+ eða A eða lokið 1. þrepi í stærðfræði.
Þekkingarviðmið: Nemandi skal hafa öðlast þekkingu og skilning á:
- helstu réttindum og skyldum launþega og verktaka
- almennum sparnaði, lífeyrisréttindum og viðbótarlífeyrissparnaði
- ýmsum skattgreiðslum og skatttekjum og útgjöldum hins opinbera
- hvað kostar að vera unglingur í dag, reka bíl og hvað þarf að huga að við kaup á eignum
- gengi gjaldmiðla, verðbólgu og hvernig verðbólga myndast og er mæld
Leikniviðmið: Nemandi skal hafa öðlast leikni í að:
- skrifa atvinnuumsókn og ferilskrá
- reikna álagningu, virðisaukaskatt og afslætti á vörum, afborganir, nafnvexti, raunvexti og verðbætur af lánum og gengismun erlendra gjaldmiðla
- færa heimilisbókhald
- setja upp launaseðil og gera útreikninga þar að lútandi, svo sem lífeyrissjóð og staðgreiðslu skatta
Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:
- geta lesið, greint, stjórnað og fjallað um fjárhagslega þætti sem hafa áhrif á efnahagslega velferð einstaklinga
- setja sér markmið í fjármálum og skoða hvernig tekst að ná þeim
- afla sér frekari þekkingar um fjármál og geta nýtt sér upplýsingatækni og netið við öflun upplýsinga og lausn verkefna sem tengjast fjármálaviðfangsefnum
- til að hafa yfirsýn og stjórn á daglegum fjármálum með einfaldri áætlanagerð