HLSE1JN02 - Heilsuefling - Jóga og jóga nidra

Viðfangsefni: Jóga og jóga nidra

Lýsing: Í fyrri tíma vikunnar verður tekin fyrir kraftyogasería Barons Babtiste sem heitir Journey into Power. Þar er áherslan á yogastöður, athyglisþjálfun og sjálfsskoðun. Við förum vel í yogastöðurnar og það verður góð slökun í lokin. Þetta er ótrúlega góð yogasería fyrir alla og sérstaklega íþróttafólk.

Í seinni tíma vikunnar verður farið í Yoga Nidra. Yoga Nidra er mjög árangursrík aðferð til að takast á við streitu, kvíða, svefnleysi, álag og margt fleira. Yoga Nidra er blanda af djúpslökun og núvitund og það eina sem þarf að gera er að liggja kyrr og hlusta.

Forkröfur: Að nemandi hafi lokið 90 einingum

Þekkingarviðmið: Nemandi skal hafa öðlast þekkingu og skilning á:

• helstu þáttum jógaiðkunar
• sögu og uppruna jógaiðkunar
• hugleiðslu
• öndunar-, styrktar-, slökunar- og jafnvægisæfingum
• hvað felst í líkamsvitund
• áhrifum líkams- og heilsuræktar fyrir andlega og líkamlega vellíðan
• hugsanlegum ávinningi þess að stunda jóga
  
  

Leikniviðmið: Nemandi skal hafa öðlast leikni í að:

• framkvæma jógastöður
• tengja jógastöður í huga og líkama
• nota eigin andadrátt til slökunar
• þekkja og meta eigin getu og takmarkanir
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að

• átta sig á mikilvægi hreyfingar fyrir andlega og líkamlega líðan
• bæta heilsufar sitt
• bæta sjálfstraust sitt
• fá andlega og líkamlega útrás
• nýta sér jóga til heilsubótar í daglegu lífi
• efla með sér meðvitund um augnablikið
• skapa jafnvægi í likama, tilfinningum og huga