LÍFF3LE05 - Líffræði - Lífeðlisfræði, seinni hluti

Viðfangsefni: Lífeðlisfræði ákveðinna líffærakerfa; meltingar-, innkirtla-, tauga-, stoð-, vöðva og æxlunarkerfi auk skynjunar og fósturþroska.

Lýsing: Fjallað er um líkamsstarfsemi dýra og plantna í framhaldi af LÍFF2LE05, áhersla er á mannlíkamann og lífeðlisfræði ákveðinna líffærakerfa; meltingar-, innkirtla-, tauga-, stoð-, vöðva og æxlunarkerfi auk skynjunar og fósturþroska. Heilbrigð starfsemi er lögð til grundvallar en einnig algengustu frávik. Rannsóknarstofnanir sem tengjast viðfangsefni eru heimsóttar. Mikilvægi þekking á lífeðlisfræði í daglegu lífi, einnig eru nemendur búnir undir frekara nám í lífeðlisfræði og skyldum greinum.

Forkröfur: LÍFF2LE05

Þekkingarviðmið: Nemandi skal hafa öðlast þekkingu og skilning á:

• næringarnámi plantna og dýra
• uppbyggingu og virkni meltingarkerfis
• heilbrigðum lífstíl og næringu, hlutverki vítamína, stein- og snefilefna
• mismunandi hlutverkum boðefna
• helstu innkirtlum og hormónum þeirra
• eðli taugaboða og starfsemi taugakerfis
• mismunandi skynfærum
• stoðkerfi, vöðvum og vöðvasamdrætti
• mismunandi frumuskiptingum
• sáð- og eggfrumumyndun
• æxlun manna og getnaðarvörnum
• fósturþroska
• algengustu frávikum heilbrigðar starfsemi, orsökum þeirra og afleiðingum
• áhættuþáttum í líferni sem auka líkur á sjúkdómum
• vísindalegum aðferðum
  
  

Leikniviðmið: Nemandinn skal hafa öðlast leikni í að:

• skilja umfjöllun um helstu viðfangsefni áfangans
• lesa líffræðilegan texta og lífeðlisfræðilegar upplýsingar úr máli og myndum
• nota upplýsingatækni við heimildaöflun og vinnu
• beita vísindalegum aðferðum við framkvæmd verklegra æfinga
• leysa verkefni um afmörkuð viðfangsefni
• tjá kunnáttu sína munnlega, skriflega og fjalla um álitamál
• fjalla um hvernig líffærakerfin starfa eðlilega auk vandamála sem upp geta komið
• skrifa skýrslu um niðurstöður verklegra æfinga
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér:

• leggja gróft mat á lífeðlisfræðilegar upplýsingar á gagnrýninn hátt og leggja mat á upplýsingar sem tengjast líffræðilegum viðfangsefnum í samfélaginu
• taka ábyrgð á eigin lífi m.t.t. lífeðlisfræðilegra þátta
• taka ákvarðanir varðandi heilbrigðan lífsstíl
• tengja niðurstöður verklegra æfinga við fræðin og draga ályktanir af þeim
• afla sér frekari þekkingar á sviði lífeðlisfræðinnar
• beita öguðum vinnubrögðum, taka ábyrgð á eigin námi í einstaklingsverkefnum og í samvinnu við aðra