REKH2GS05 - Rekstrarhagfræði I - Rekstrarhagfræði og kostnaðarbókhald

Viðfangsefni: Skortur, val, fórnarkostnaður, framleiðsla, eftirspurn, framboð, kostnaður, tekjur, afkoma, rekstrarjafnvægi, framlegð, línurit.

Lýsing: Í þessum byrjunar áfanga er farið yfir ýmis grunnhugtök hagfræðinnar og helstu skilgreiningar á kostnaði og tekjum fyrirtækja, rekstraráætlanir og framlegðarútreikninga. Stór hluti áfangans felst í stærðfræðilegri greiningu á rekstrarhagfræðilegum úrlausnarefnum. Áhersla er lögð á stærðfræðilega nálgun og notkun línurita til að leysa rekstrarhagfræðileg viðfangsefni, svo sem kostnað, tekjumyndun og jafnvægi í rekstri fyrirtækja.

Forkröfur: Nemandi hafi lokið grunnskólaprófi í stærðfræði með hæfnieinkunn B, B+ eða A eða lokið 1. þrepi í stærðfræði. Einnig er Æskilegt að hafa lokið BÓKF2DR05

Þekkingarviðmið: Nemandi skal hafa öðlast þekkingu og skilning á:

  • grundvallarhugtökum hagfræðinnar; skorti, val og fórnarkostnaði
  • framboði og eftirspurn og jafnvægi á markaði
  • helstu framleiðsluþáttum
  • helstu kostnaðarhugtökum, tekjum og afkomu fyrirtækja
  • muninum á helstu kostnaðarhugtökum eins og á breytilegum og föstum kostnaði og á beinum og óbeinum kostnaði

Leikniviðmið: Nemandi skal hafa öðlast leikni í að:

  • reikna rekstrarjafnvægi og afkomu
  • reikna eigið verð afurða
  • reikna neytenda- og framleiðendaábata
  • gera framlegðarútreikninga
  • gera línurit

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

  • skilja hvernig verðmæti myndast innan fyrirtækja og hvernig þeim er ráðstafað
  • lesa og túlka línurit og geta unnið gögn úr þeim