Viðfangsefni: Þættir úr menningarsögu Evrópu
Lýsing: Skoðuð er menning með fjölþætt markmið í huga, myndlist, byggingarlist, bókmenntir, heimspeki og vísindi. Úrvinnsla og framsetning nemenda miði að því að miðla þekkingu, skilningi og tilfinningu fyrir tíðaranda. Nemendur lesa greinar í sagnfræðitímaritum, sögulegar skáldsögur og ævisögur.
Forkröfur: 5 einingar í sögu á 2. þrepi
Þekkingarviðmið: Nemandi skal hafa öðlast þekkingu og skilning á:
- hvernig menning Grikkja og Rómverja birtist okkur í nútímanum
- áhrifum kirkjunnar á menningu hins vestræna heims
- hvernig borgir hafa skapað menningarlega deiglu
- hvernig tækni hefur haft áhrif á menninguna
- fjölbreytilegum menningarheimum mannkyns
Leikniviðmið: Nemandi skal hafa öðlast leikni í að:
- miðla fræðilegu efni í texta, máli og mynd
- leita heimilda um fjölbreytilega menningarheima
- nota fræðilegan texta á íslensku og ensku við lausn verkefna
- afla upplýsinga og setja í fræðilegt samhengi
Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:
- bera saman menningarheima
- átta sig á nýjungum í menningarsköpun og á hvaða grunni hún er byggð
- rýna í texta og myndir á gagnrýninn hátt
- vinna í samstarfi með ólíkar heimildir og komist að sameiginlegri niðurstöðu
- beita vinnubrögðum sagnfræðinnar til þess að vinna úr heimildum og setja fram á skilmerkilegan hátt í máli og myndum