SAGA3SF05 - Saga - Stríðin sem mótuðu Evrópu

Viðfangsefni: Fjallað um stríðin sem mótuðu Evrópu í fjölbreyttri mynd.

Lýsing: Áfanginn spannar um þrjú þúsund ár í sögu mannkyns og það segir sig sjálft að aðeins verður mögulegt að drepa á örfáum atriðum tímabilsins. Til dæmis verður fjallað um fornöldina og m.a. hvernig hún birtist í miðlum nútímans, s.s. bíómyndum, fornöldina og nútímann, þróun stafrófsins, lýðræðið í Aþenu, heimspeki Grikkja, byggingarlist Rómverja, upphaf kristninnar, myndlist og áróður, konur í fornöldinni svo eitthvað sé nefnt.

Forkröfur: 5 einingar á 2. þrepi

Þekkingarviðmið: Nemandi skal hafa öðlast þekkingu og skilning á:

• nokkrum þáttum í menningu fornaldarinnar
• mikilvægi ræktunar dýra og akuryrkju
• hvernig ritmál þróaðist frá Súmer til Rómar
• þrælahaldi og þrældómi í menningu fornaldarinnar
• þróun stórvelda fornaldarinnar og grísku borgríkjanna
• þróun lýðræðis
  
  

Leikniviðmið: Nemandi skal hafa öðlast leikni í að:

• sjá hvernig menning fornaldarinnar birtist í menningu nútímans t.d. í kvikmyndum og byggingum
• bera saman ýmsa þætti sögunnar, s.s. stöðu kvenna í fornöld og nútíma
• miðla þekkingu á lýðræði og stjórnarfari í fornöld og tengja stjórnarfari í nútíma
• nota fræðilegan texta á íslensku og ensku við lausn verkefna
• afla upplýsinga og setja í fræðilegt samhengi
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• bera saman menningarheima
• rýna í texta og myndir á gagnrýninn hátt
• vinna í samstarfi með ólíkar heimildir og komist að sameiginlegri niðurstöðu
• beita vinnubrögðum sagnfræðinnar til þess að vinna úr heimildum og setja fram á skilmerkilegan hátt í máli og myndum
• miðla fræðilegu efni í texta, máli og myndum