STÆR1UB05 - Stærðfræði - Stærðfræðigrunnur, seinni hluti

Viðfangsefni: forgangsröð aðgerða, almenn brot , bókstafareikningur

Lýsing: Í þessum áfanga verður reynt að tengja það daglegu lífi og hagnýtum viðfangsefnum. Markmið áfangans er að auka kunnáttu nemenda í grundvallaratriðum stærðfræðinnar og að nemendur nái sömu kunnáttu og krafist er til grunnskólaprófs

Forkröfur: STÆR1UA05

Þekkingarviðmið: Nemandi skal hafa öðlast þekkingu og skilning á:

• tengslum margföldunnar og deilanleika
• forgangsröð aðgerða
• almennum brotum og tugabrotum
• undirstöðureglum talna- og bókstafareiknings
• 1. stigs jöfnum með einni óþekktri stærð
• jöfnu beinnar línu og hnitakerfi
• hlutfallareikningi og grunnatriðum í prósentureikningi
• einföldum flatarmáls- og rúmmálsreglum
  
  

Leikniviðmið: Nemandi skal hafa öðlast leikni í að:

• beita helstu aðgerðum á heilar tölur og nota víxlreglu, tengireglu og dreifireglu í talna- og bókstafareikningi
• setja fram svör með viðeigandi nákvæmni
• forgangsraða aðgerðum og nota sviga
• reikna prósentur og finna hlutföll milli stærða
• beitabókstafareikningi, liðun og þáttun
• leysa jöfnur með einni óþekktri stærð
• vinna með jöfnu beinnar línu
• leysa ýmis rúmfræðileg dæmi
• vinna sjálfstætt í stærðfræðilegum verkefnum
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
• átta sig á tengslum ólíkra aðferða við framsetningu stærðfræðilegra hugmynda og viðfangsefna
• skilja merkingu og tengsl hugtaka í námsefninu og vinna með þau
• geta fylgt og skilið röksemdir og röksamhengi í mæltu máli og texta
• beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta og unnið til baka frá þekktum stærðum
• takast á við stærðfræðileg verkefni með opnum huga og temja sér jákvætt hugarfar gagnvart faginu