STJÓ2SS05 - Stjórnmálafræði - Stjórnmál og samfélag

Viðfangsefni: Stjórnmál og samfélag

Lýsing: Áfanginn er kynning á stjórnmálafræðinni sem fræðigrein og þeim aðferðum sem hún notar til greiningar. Nemendur kynnast helstu stjórnmálastefnum, kenningum og hugtökum stjórnmála. Nemendur fá þjálfun í að greina álitamál og átakafleti stjórnmála með verkfærum greinarinnar. Áhersla er lögð á að nemendur geti tjáð sig í ræðu og riti um stjórnmál og áhrif þeirra á hópa og einstaklinga.

Forkröfur: FÉLA1IH05

Þekkingarviðmið: Nemandi skal hafa öðlast þekkingu og skilning á:

• helstu hugmyndastefnum stjórnmála
• íslensku flokkakerfi og stefnumálum íslenskra stjórnmálaflokka
• helstu átakamálum og viðfangsefnum stjórnmála
• helstu hugtökum stjórnmála (t.d. lýðræði, vald, stjórnkerfi, mannréttindi og fullveldi)
• hlutverki og virkni alþingis
• áhrifum fjölmiðla og almenningsálits á stjórnmál
• virkni stjórnkerfa
  
  

Leikniviðmið: Nemandi skal hafa öðlast leikni í að:

• beita hugtökum og kenningum stjórnmálafræðinnar á raunveruleg viðfangsefni
• greina og meta ólíkar stjórnmálastefnur og áhrif þeirra á samfélag og stjórnmálastarf
• greina álitamál frá mörgum hliðum, vega og meta ólíka hagsmuni
• taka afstöðu til ólíkra málefna og rökstyðja hana
• afla upplýsinga um stjórnmálatengd málefni
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• taka þátt í rökræðum um stjórnmál og fundið leiðir að lausnum í álitamálum
• fylgjast með stjórnmála- og samfélagsumræðu hérlendis og erlendis
• vinna úr upplýsingum með skipulögðum og fræðilegum aðferðum
• meta og kynna niðurstöður gagnavinnu
• vinna í samvinnu við aðra að sameiginlegum verkefnum
• meta áhrif stjórnmála á daglegt líf og hvernig þau hafa áhrif á aðstæður einstaklinga og hópa
• átta sig á möguleikum til að hafa áhrif í lýðræðisþjóðfélagi