ÞÝSK1DA05 - Þýska - Daglegar athafnir, 2. áfangi í þýsku

Viðfangsefni: Málfræði, orðaforði og málfærni

Lýsing: Helstu atriði ÞÝSK1EL05 eru rifjuð upp um leið og bætt er við orðaforða og málfræði. Áhersla er lögð á að þjálfa áfram alla málfærniþætti: munnlega og skiflega tjáningu, hlustun og lesskilning. Unnið er með orðaforða sem tengist nánasta umhverfi nemandans, daglegum athöfnum, áhugamálum og ferðalögum. Þá eru nemendur einnig þjálfaðir í að segja frá liðnum atburðum. Menningu og staðháttum þýskumælandi landa er fléttað inn í kennsluna m.a. í gegnum lestur viðeigandi texta sem varpa ljósi á daglegt líf.

Forkröfur: ÞÝSK1EL05

Þekkingarviðmið: Nemandi skal hafa öðlast þekkingu og skilning á:

• orðaforða sem tengist daglegu lífi og athöfnum, ferðalögum, störfum, vinnu og heilsu
• myndun og notkun falla og núliðinnar tíðar algengustu sagna,
• framburðarreglum og tónfalli
• þýskumælandi löndum og fengið aukna innsýn í menningu og siði þjóðanna
• samskiptavenjum og mismunandi notkun málsins eftir aðstæðum
  
  

Leikniviðmið: Nemandi skal hafa öðlast leikni í að:

• skilja einfaldar setningar, spurningar og upplýsingar sem tengjast daglegum athöfnum og ferðalögum
• skilja einfaldar leiðbeiningar og fyrirmæli
• skilja stutta texta þar sem sagt er frá daglegu lífi, atburðum og tilfinningum eða óskað er eftir upplýsingum
• greina lykilatriði í einföldum textum, t.d. smásögum
• spyrja og svara einföldum spurningum um liðna atburði
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• tjá sig munnlega og skriflega á einfaldan hátt um persónulega hagi og málefni sem hann þekkir
• greina einfaldar upplýsingar í mæltu máli
• skilja meginatriði einfaldra texta og greina einfaldar upplýsingar
• segja frá sjálfum sér og nánasta umhverfi sínu, s.s. áhugamálum, atvinnu og ferðalögum
• leysa úr viðfangsefnum einn eða í samstarfi við aðra
• tileinka sér jákvætt viðhorf til þýskunámsins og öðlast trú á eigin getu í faginu
• tjá sig um liðna atburði í ræðu og riti
• skrifa um málefni og atburði byggða á persónulegri og ímyndaðri reynslu