SAGA3HF05 - Saga - Helförin, ferðaáfangi

Viðfangsefni: Saga helfararinnar í síðari heimsstyrjöld, námsferð til Þýskalands/Póllands

Lýsing: Áfanginn er ferðaáfangi og á önninni er farin námsferð. Til að ljúka áfanganum er nauðsynlegt að taka þátt í námsferðinni.
Áfanginn, Helförin, fjallar um einn skelfilegasta atburð mannkynssögunnar og er val áfangans því mikil ábyrgð fyrir nemendur. Í áfanganum er farið yfir hugmyndafræði nasista, uppgang nasistaflokksins og valdatöku þeirra í Þýska landi. Hermdarverk nasista og þjóðarmorð verða skoðuð í samhengi við sögur eftirlifenda. Sérstök áhersla er lögð á tengingu við Ísland, meðal annars dvöl Leifs Muller í Sachsenhausen og annarra fanga.

Forkröfur: SAGA2NT05

Markmið áfangans:

• Að veita nemendum skýra sýn á helförina og þær sögulegu aðstæður sem leiddu til hennar.
• Að stuðla að gagnrýninni hugsun um afleiðingar fordóma og ómannúðlegrar hugmyndafræði.
• Að læra af sögunni og tengja hana við samtímann.
  
  

Áfanginn fer í saumana á ódæðisverkum nasista frá 1933 til 1945 með því að vinna með efni frá helstu rannsakendum, frásögnum eftirlifenda og fræðimönnum á sviðinu. Forkröfur fyrir áfangann eru að nemandi hafi lokið SAGA2NT05.

Þekkingarviðmið: Nemandi skal hafa öðlast þekkingu og skilning á:

• Sögu og þróun nasistahreyfingarinnar frá upphafi hennar til falls Þriðja ríkisins og á Íslandi.
• Helstu hugtökum og atburðum tengdum helförinni og hvernig þau mótuðu mannkynssöguna.
• Orsökum, framkvæmd og afleiðingum Helfararinnar.
• Mismunandi tegundum heimilda, aðferðum við heimildaleit og mikilvægi gagnrýninnar hugsunar í sagnfræðilegri greiningu.
• Sögulegum persónum, atburðum og samfélagslegum aðstæðum sem leiddu til Helfararinnar.
• Áhrifum helfararinnar á samtíma og arfleifð hennar til framtíðar.

Leikniviðmið: Nemandi skal hafa öðlast leikni í að:

• Túlka og greina sagnfræðilegar heimildir, bæði frumheimildir og afleiddar heimildir.
• Nota mismunandi miðlunarform, svo sem ritgerðir, kynningar og fleira, til að tjá söguskilning sinn.
• Taka þátt í hópverkefnum sem krefjast skipulags og samvinnu.
• Beita gagnrýninni hugsun við greiningu á sögulegum atburðum og áhrifum þeirra.
• Skoða Íslandssögu í samhengi við alþjóðlega sögu helfararinnar.
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• Meta áhrif og afleiðingar helfararinnar fyrir mannkynssöguna og á einstaklinga.
• Taka þátt í skoðanaskiptum og rökræðum um efnið með jafningjum.
• Þekkja mikilvægi mannréttinda og virðingar fyrir fjölbreytileika í samfélögum.
• Skilja og túlka samtímaáhrif helfararinnar á samfélag og stjórnmál.
• Nota söguskilning til að meta og miðla arfleifð helförarinnar á ábyrgan hátt.

Miðlun og framkvæmd: Kennslan byggir á verkefnavinnu og hver nemandi vinnur áfangann á sínum hraða. Nemendur munu fá tækifæri til að vinna með raunverulegar frumheimildir og heimsækja staði sem tengjast sögu helfararinnar, eftir því sem hægt er. Markmiðið er að efla sjálfstæð vinnubrögð og gagnrýna hugsun.