FABLAB á starfsbraut

Valáfanginn FABLAB er vinsæll meðal nemenda á starfsbraut. FABLAB stendur fyrir Fabrication Laboratory, sem kalla mætti tilraunasmiðju. Þar fá nemendur tækifæri til að hrinda hugmyndum sínum í framkvæmd, með því að hanna, móta og framleiða hluti með stafrænni tækni.

Nýlega fóru nemendur okkar í Fjölbraut í Breiðholti til að fullvinna verkefni sem þeir hafa unnið að hér í skólanum.  Hópurinn fær aðgang að verkstæðinu þeirra í FABLAB-smiðjunni einu sinni í mánuði þar sem finna má bæði laserprentara og vinylskera.

Efniviðurinn að þessu sinni er textíll, plexígler, speglar og tréverk. Eins og sjá má á meðfylgjandi myndum eru verkefnin fjölbreytt og vel heppnuð.