Fimm heilræði í boði Laufeyjar, námsráðgjafa

Laufey Guðný Kristinsdóttir er nýr námsráðgjafi við skólann. Hún hleypur í skarðið fyrir Helgu Valtýsdóttur sem er í námsleyfi. Laufey starfaði áður sem náms- og starfsráðgjafi í Háskóla Íslands en hún útskrifaðist frá sama skóla árið 2015.

Hjólreiðar eru efst á lista yfir áhugamál. Hún æfir götuhjólreiðar með Breiðabliki en henni finnst líka gaman þeysast um á fjallahjóli í fallegri náttúru. Laufey er ættuð úr Landssveitinni en hefur búið í Hafnarfirði frá 2012.

Henni finnst ánægjulegast við starfið að styðja nemendur námi, hjálpa þeim að átta sig á styrkleikum sínum og áhugasviði og velta vöngum yfir framtíðarmöguleikum þeirra.

Þessa dagana spyrja nemendur helst um hvernig sé best að halda utan um námið í flóknu námsumhverfi á tímum kórónuveirunnar. Þeir tala um að nú sé óvenju mikið verkefnaálag þar sem tímarnir fari að miklu leyti fram í fjarkennslu. Laufey segir að nú sem aldrei sem fyrr sé mikilvægt að skipuleggja sig vel, gera vikuáætlanir og fylgjast vel með á Innu.

Heilræði í boði Laufeyjar:

1. Skipuleggja sig vel – nota t.d. eyðublöð.
2. Forgangsraða – byrja á því sem þarf að skila fyrst.
3. Ekki fresta   – ráðast heldur á vandann og leita strax eftir hjálp hjá umsjónarkennurum, námsráðgjöfum eða forráðamönnum.
4. Halda góðri rútínu – lykilorðin þar eru næring, svefn og hreyfing.
5. Koma sér vel fyrir – skapa notalegar aðstæður til að sinna náminu heima, þar sem er lítil truflun, góð birta, og hafa allt sem þarf við höndina.