Sigur í Lífshlaupinu 2025

Bjarki Már Ingvarsson, formaður íþróttaráðs NFF, með viðurkenningar fyrir sigur í Lífshlaupinu 2025.

Flensborgarskólinn sigraði í sínum flokki (Framhaldsskólar með 400-999 nemendur) í Lífshlaupinu árið 2025. Enn er verið að þróa þetta verkefni sem felst í því að hvetja nemendur skólans til að skrá niður hreyfingu sína. Um þriðjungur nemenda Flensborgarskólans er á íþróttaafrekssviði og hreyfir sig því mikið dag frá degi og því er afar ánægjulegt að aðrir nemendur skólans séu einnig virkir í að rækta líkama og sál.

Það var Bjarki Már Ingvarsson, formaður íþróttaráðs NFF, sem tók við viðurkenningum Lífshlaupsins fyrir hönd skólans: Fyrir flestar mínútur af hreyfingu og einnig flesta daga.